கோயம்புத்தூரில் ஶ்ரீலங்கை குண்டுவெடிப்பு தொடர்புகள் – ஒரே கல்லில் இரண்டு மாங்காய் அடித்த ஜிஹாதி தீவிரவாதிகள்! கோவையில் தமிழக போலீஸார் மற்றும் என்.ஐ.ஏ விசாரணை [3]

கோயம்புத்தூரில் ஶ்ரீலங்கை குண்டுவெடிப்பு தொடர்புகள் – ஒரே கல்லில் இரண்டு மாங்காய் அடித்த ஜிஹாதி தீவிரவாதிகள்! கோவையில் தமிழக போலீஸார் மற்றும் என்.ஐ.ஏ விசாரணை [3]

ஈஸ்டர் குண்டுவெடிப்பும், கோவை ஜிஹாதிகளும்: இலங்கையில் கடந்த ஏப்ரல் மாதம் 21-ந்தேதி ஈஸ்டர் பண்டிகையின்போது கொழும்பில் உள்ள கொச்சிகடை அந்தோணியார் ஆலயம், நீர் கொழும்பில் உள்ள கட்டுவபிட்டி செபஸ்டியன் தேவாலயம், மட்டகளப்பு பகுதியில் உள்ள சீயோன் தேவாலயம் ஆகிய இடங்களில் பிரார்த்தனை நேரத்தில் சக்தி வாய்ந்த வெடிகுண்டுகள் வெடித்தன. அப்போது பிரார்த்தனையில் ஈடுபட்ட பொதுமக்கள் மற்றும் குழந்தைகள் ஏராளமான பேர் பலியானார்கள். இந்த குண்டுவெடித்த நேரத்தில் கொழும்பில் உள்ள 3 நட்சத்திர ஓட்டல்களிலும் குண்டுகள் வெடித்தது. இந்த குண்டுவெடிப்பு சம்பவங்களில் 200-க்கும் மேற்பட்டோர் பலியானார்கள். 500-க்கும் மேற்பட்டோர் படுகாயம் அடைந்தனர். இந்த சம்பவம் நாட்டையே உலுக்கியது. குண்டுவெடிப்பு சம்பவம் குறித்து இந்திய உளவுத்துறை எச்சரிக்கை விடுத்தும் இலங்கை அரசு நடவடிக்கை எடுக்காததால் இந்த சம்பவம் நடந்ததாக குற்றச்சாட்டு எழுந்தது. மதமோதல்கள் தொடர்ந்டால், முஸ்லிம் பிரபாகரன் உருவாகிவிடுவார் இலங்கை அதிபர் சிறிசேனா எச்சரிக்கை விடுத்தார்[1]. இந்த நிலையில் இலங்கை உளவு பிரிவின் விசாரணையில் தற்கொலை படை தாக்குதல் நடத்தப்பட்டது தெரியவந்தது. இந்த நிலையில் இலங்கை குண்டு வெடிப்புக்கு காரணமான கும்பலுடன் சமூக வலைதளங்களில் கோவையை சேர்ந்த சிலர் தொடர்பில் இருப்பதாக சந்தேகம் எழுந்தது[2].

30-05-2019 அன்றே RC-02/2019/NIA/KOC  என்ற எண்ணில் கீழ்கண்டவர்களின் மீது வழக்குப் பதிவு செய்யப்பட்டது.

1. மொஹம்மது அஸாருத்தீன் [Mohammed Azarudeen, aged 32, resident Ukkadam, Coimbatore],
2. அக்ரம் சிந்தா [Akram Sindhaa, aged 26, Tirumarai Nagar Phase-II, Podannur Road, Coimbatore]
3. ஷேயிக் இதயதுல்லாஹ் [ Y. Shiek Hidayathullah, aged 38, resident of South Ukkadam, Coimbatore],
4. அபூபக்கர் [Abubacker M; aged 29, resident of Kuniyamuthur, Coimbatore],
5. சதாம் ஹுஸைன் [Sadham Hussain A; aged 26, resident of Ummar Nagar, Podannur Main Road, Coimbatore],
6. இப்ராஹிம் என்கின்ற சயின் ஷா [Ibrahim @ Shahin Shah, aged 28, resident of South Ukkadam, Coimbatore] and
7. மற்றவர் [others]

ஐசிஸ் மற்றும் டேஷ் போன்ற தீவிரவாத அமைப்புகளுக்கு சமூக இணைதளங்கள் மூலம் தீவிரவாத சித்தாந்தங்களைப் பரப்பி, தென்னிந்தியாவில், குறிப்பாக தமிழ்நாடு மற்றும் கேரள மாநிலங்களிலிருந்து, இளைஞர்களை ஈர்த்து ஆள்சேர்ப்பதாக, ஆதாரங்கள் கிடைத்ததின் பேரில், இவ்வழக்குத் தொடரப்பட்டது.

கிலாபஹ்.இ.எப்.எக்ஸ் பேஸ்புக் குரூப் நடத்திய திஹாதி: இதில் மொஹம்மது அஸாரிதீன் கிலாபஹ்.இ.எப்.எக்ஸ் [“KhilafahGFX”] என்ற பெயரில் பேஸ்புக்கில், பிரிவை நடத்தி ஐசிஸ் மற்றும் டேஷ் போன்ற தீவிரவாத அமைப்புகளின் சித்தாதங்களைப் பரப்பி வந்தான். கிலாபஹ்.இ.எப்.எக்ஸ் = அதாவது, உலகம் முழுவதும் “கிலாபத்” இஸ்லாமிய ஆட்சியை, உருவாக்க வேண்டும் என்ற குறிக்கோளில் வேலை செய்வது என்ற திட்டம். ஶ்ரீலங்கை தற்கொலை குண்டுவெடிப்பாளி ஜஹ்ரன் ஹாஷிம் [Sri Lankan suicide bomber Zahran Hashim] மற்ற உறுப்பினர்களுடன், நட்பு வைத்திருந்தான். இதில் இப்ராஹிம் என்கின்ற சயின் ஷா, ஜஹ்ரன் ஹாஷிமுடன் நெருங்கிய நண்பனாக இருந்தான் இவன் மீது, ஏற்கெனவே, ஐசிஸ் காசரகோட் வழக்கில் உள்ள ரியாஸ் அபூபக்கரும் தொடர்புள்ளது. ரியாஸும் கேரளாவில் ஐசிஸ் மற்றும் டேஷ் தரப்பில் குண்டுவெடிப்புகளுக்கு திட்ட போட்டிருந்தான்[3].

13-06-2019 அன்று தொடர்ந்து நடந்த சோதனை: இதையடுத்து இந்திய என்.ஐ.ஏ. அதிகாரிகள் அந்த வாலிபர்களை கண்காணித்தனர். கோவை, கொச்சியில் இருந்து வந்த டி.எஸ்.பி. விக்ரம் தலைமையிலான என்.ஐ.ஏ. அதிகாரிகள் 7 குழுக்களாக பிரிந்து கோவையில் உள்ள 7 பேர் வீடுகளில் 13-06-2019 அன்று காலை முதல் சோதனை நடத்தினர்[4].

1. கோவை போத்தனூரை சேர்ந்த சதாம்,
2. அக்பர்,
3. அக்ரம்ஜிந்தா,
4. உக்கடம் அன்பு நகரை சேர்ந்த அசாரூதின்,
5. குனியமுத்தூரை சேர்ந்த அபுபக்கர் சித்திக்,
6. உக்கடம் அல்அமின் காலனியை சேர்ந்த இதயத்துல்லா,
7. ஷாகிம்ஷா ஆகியோர் வீடுகளில் இந்த சோதனை நடத்தியது.

என்.ஐ.ஏ. அதிகாரிகள் சோதனையை தொடர்ந்து அவர்களது வீடுகள் முன்பு பலத்த போலீஸ் பாதுகாப்பு போடப்பட்டது. மேலும் சோதனை நடந்து வரும் வீட்டில் இருந்து யாரையும் வெளியே செல்ல அனுமதிக்கவில்லை. இதேபோல் வெளியில் இருந்து அந்த வீடுகளுக்குள் வரவும் அனுமதிக்கவில்லை. என்.ஐ.ஏ. அதிகாரிகளின் இந்த திடீர் சோதனையால் கோவையில் பரபரப்பு ஏற்பட்டது. இந்த சோதனையில் அசாரூதின், இதயதுல்லா, அபுபக்கர் சித்திக் ஆகியோர் வீடுகள், நிறுவனத்தில இருந்து சில முக்கிய ஆவணங்களை என்.ஐ.ஏ. அதிகாரிகள் கைப்பற்றினர். காலை 5.30 மணிக்கு தொடங்கிய சோதனை மதியம் 1 மணியை தாண்டியும் நீடித்தது[5].

கைது என்று சில தமிழ் ஊடகங்கள் செய்தி வெளியிட்டது: தேசிய புலனாய்வு அமைப்பு / தேசிய புலனாய்வு ஏஜென்சி (என்.ஐ.ஏ.) ஐ.எஸ்.ஐ.எஸ் தமிழ் தொகுதிப் பிரிவின் தலைவராக இருந்த முகமது அசாரூதினை கைது செய்துள்ளது. 13-06-2019 அன்று தேசிய புலனாய்வு அமைப்பு கோவையில் ஏழு இடங்களில் தேடுதல் வேட்டை நடத்தியது.  ஆரம்ப விசாரணைகளில் ஐஎஸ்ஐஎஸ் இயக்கத்தின் மாஸ்டர்மைண்ட் ஆக முகம்மது அசாரூதின் செயல்பட்டு வருவதால், கைது செய்யப் பட்டான். கைது செய்யப்பட்ட கோவை முகமது அசாருதீன் பயங்கரவாத இயக்கமான ஐ.எஸ்.ஐ.எஸ்.-ன் தென்னிந்திய தளபதியாக செயல்பட்டவர் என்கின்றன விசாரணை வட்டாரங்கள்[6]. ஐ.எஸ்.ஐ.எஸ். இயக்கத்துக்கு ஆட்சேர்ப்பு முயற்சியில் ஈடுபட்டதாக கேரளாவை சேர்ந்த அபுபக்கரை என்.ஐ.ஏ. அதிகாரிகள் கைது செய்தனர்[7]. அவரிடம் நடத்தப்பட்ட விசாரணைகளில் கோவை முகமது அசாருதீன்தான் இதில் முக்கிய பங்காற்றி வருவாதாக தெரிவித்தார். அதேபோல் இலங்கை சென்ற என்.ஐ.ஏ. அதிகாரிகளிடம், தற்கொலைப் படை தாக்குதல் நடத்திய சஹ்ரானுடன் முகமது அசாருதீன் தொடர்பில் இருந்ததை உறுதி செய்தனர்.

பிபிசி.தமிழ் – கோவையில் கைது செய்யப்பட்டது ஐ.எஸ் பயங்கரவாதிகளா?[8]: பிபிசி.தமிழின் செய்தி விசித்திரமாக இருக்கிறது. ஒரு பக்கம், “இந்த அலுவலகத்தின் அருகில், சில இஸ்லாமிய அமைப்புகளை சேர்ந்தவர்களிடம் பிபிசி தமிழ் விசாரித்தது,” என்று குறிப்பிட்டு, இன்னொரு பக்கம், “கோவையில் கைது செய்யப்பட்டது ஐ.எஸ் பயங்கரவாதிகளா?”, என்று தலைப்பிட்டு செய்தி வெளியிட்டுள்ளது! பிபிசி.தமிழ் கொடுக்கும் விவரங்கள்[9], “கொச்சினில் இருந்து வந்த தேசிய புலனாய்வுத் துறையினர் இந்தப்பகுதிகளில் உள்ள சில வீடுகளில் சோதனை செய்தது தெரியவந்தது. விசாரணைக்காக கொச்சிக்கு அழைத்துச் செல்லப்பட்ட நபர்களில் ஷேக் இதயதுல்லா கைது செய்யப்பட்டுள்ளார். நாளை அவர் எர்ணாகுளத்தில் உள்ள சிறப்பு நீதிமன்றத்தில் ஆஜர்படுத்தப்பட உள்ளார். உக்கடம் , திருமறைநகர், குனியமுத்தூர், அல் அமீன் காலனி, சுண்ணாம்பு கால்வாய், பொன்விழா நகர் ஆகிய பகுதிகளில் உள்ள ஆறு வீடுகளிலும், கரும்புக்கடை பகுதியில் க்யூப்லா என்ற ஒரு டிராவல் ஏஜென்சி அலுவலகத்திலும் சோதனை நடைபெற்றது. இந்தப் பகுதி அனைத்துமே பெரும்பான்மையாக இஸ்லாமியர்கள் வாழ்கின்ற பகுதி. சோதனை நடைபெறுகின்ற பொழுது இப்பகுதியில் பரபரப்பான சம்பவங்கள் ஏதும் நடைபெறவில்லை.

பிபிசி விசாரணை ஏன் ஒரு பக்கமாக இருக்கிறது?: இந்த அலுவலகத்தின் அருகில், சில இஸ்லாமிய அமைப்புகளை சேர்ந்தவர்களிடம் பிபிசி தமிழ் விசாரித்தது. அந்த இடத்தில் இஸ்லாமிய மக்கள் 50க்கும் மேற்பட்டோர் கூடியிருந்தனர். “எங்கள் பகுதிகளில் போலீஸார் அடிக்கடி இப்படி சோதனைகளை நடத்துகின்றனர். எங்கு எந்த பிரச்சனை ஏற்பட்டாலும் நாங்கள் வாழ்கின்ற இடங்களுக்கு வந்து விடுகின்றனர். எப்போதும் எங்களை சந்தேகத்தோடே பார்க்கின்றனர். இதற்கு எதிர்ப்பு தெரிவிக்கவே இங்கு கூடியுள்ளோம்” என்றனர். ஆனால், சிறிது நேரத்தில் காவல்துறையினர் அந்தக் கூட்டத்தை கலைத்துவிட்டனர். பெற்றோர், உற்றோர், மற்றோர் அவர்களை அவ்வாறு செல்லாமல் கட்டுப்படுத்தி இருக்கலாம், தடுத்திருக்கலாம், ஆனால், செய்யவில்லை, எனவே, பிபிசி அவர்களிடம் கேட்டிருக்கலாமே. தொடர்ந்து, முகமதிய இளைஞர்கள் அவ்வாறு சென்று கொண்டிருக்கிறார்கள் எனும் போது, எங்களுக்குத் தெரியாது என்று சொல்வது வேடிக்கையாக இருக்கிறது. பிறகு, வழக்கம் போல, என் பிள்ளை அப்பாவி, ரொம்ப நல்லவன், அப்படியெல்லாம் செய்திருக்க மாட்டான் என்று மறுப்புவாதங்களும் வரும்.

© வேதபிரகாஷ்

14-05-2019

[1] தி.இந்து.தமிழ், முஸ்லிம் பிரபாகரன் உருவாகிவிடுவார் இலங்கை அதிபர் சிறிசேனா எச்சரிக்கை, Published : 09 Jun 2019 17:10 IST; Updated : 09 Jun 2019 17:10 IST.

[2] https://tamil.thehindu.com/world/article27703942.ece

[3] The prime accused Mohammed Azarudeen has been the leader of the module and has been maintaining the Facebook page named “KhilafahGFX”, through which he had been propagating the ideology of ISIS/ Daish. Accused Mohammed Azarudeen has been a facebook friend of Sri Lankan suicide bomber Zahran Hashim and other members of the module have also been sharing radical contents attributed to Zahran Hashim, over the social media. Accused Ibrahim @ Shahin Shah (A-6) has been a close associate of arrested accused Riyas Abubacker (A-18) in case RC-02/2016/NIA/KOC (ISIS Kasaragod Case), who had planned to conduct terrorist attacks in Kerala, on behalf of the ISIS/ Daish.

[4] மாலைமலர், இலங்கை குண்டுவெடிப்பு தீவிரவாதிகளுடன் தொடர்பு – கோவையில் என்.ஐ.ஏ. அதிகாரிகள் சோதனை, பதிவு: ஜூன் 12, 2019 10:30, மாற்றம்: ஜூன் 12, 2019 15:58

[5] https://www.maalaimalar.com/news/state/2019/06/12103012/1245877/NIA-raids-at-7-locations-in-Coimbatore.vpf

[6] ஒன்இந்தியா.தமிழ், கோவை என்.ஐ.ஏ. கைது செய்த கோவை முகமது அசாருதீன் ஐ.எஸ்.ஐ.எஸ். இயக்கத்தின் தென்னிந்திய தளபதி, By Mathivanan Maran | Published: Thursday, June 13, 2019, 9:04 [IST]

[7] https://tamil.oneindia.com/news/coimbatore/nia-arrests-isis-module-s-south-india-commander-353916.html

[8] பிபிசி.தமிழ், கோவையில் கைது செய்யப்பட்டது ஐ.எஸ் பயங்கரவாதிகளா? நடந்தது என்ன?, 14 ஜூன் 2019

[9] https://www.bbc.com/tamil/india-48636958