Posted tagged ‘பர்தா’

முகத்தை பார்த்து விடக்கூடாது என்ற மதநம்பிக்கையிருந்தால் வாக்களிக்கவே தேவையில்லை!

ஜனவரி 23, 2010

முகத்தை பார்த்து விடக்கூடாது என்ற மதநம்பிக்கையிருந்தால் வாக்களிக்கவே தேவையில்லை!

பர்தா அணிந்து ஒளிப்படம் வாக்காளர் அட்டை வழங்கக் கூடாது: உச்ச நீதிமன்றம் வாக்காளர் அடையாள அட்டையில் புகைப்படம் இருப்பது மத சம்பிரதாயத்துக்கு எதிரானதாக கருதும் முஸ்லிம் பெண்கள், ஓட்டு போடாமலே கூட விட்டுவிடலாம் என்று உச்சநீதிமன்ற நீதிபதிகள் தங்கள் உத்தரவில் குறிப்பிட்டுள்ளனர்.

தமிழகத்தைச் சேர்ந்த அஜ்மல்கான் என்பவர், தமிழக தேர்தல் ஆணையத்துக்கு எதிராக உச்சநீதிமன்றத்தில் ஒரு மனு தாக்கல் செய்தார்.  அதில், ‘முஸ்லிம் சமுதாயத்தில் பெண்கள் பர்தா அணிவதும், முகத்தை மறைக்க ஹிஜாப் அணிவதும் மத சம்பிரதாயம். பர்தா, ஹிஜாப் அணியாத பெண்களை அவர்களின் கணவன் மற்றும் உறவினர்கள் மட்டுமே பார்க்க வேண்டும் என்பது ஐதீகம். ஆனால், ஹிஜாப் அணியாமல் முஸ்லிம் பெண்கள் வாக்காளர் அடையாள அட்டைக்காக எடுத்த புகைப்படங்களை தேர்தல் ஆணையம் பட்டியலிட்டு ஊர் முழுவதும் காட்டுகிறது.  இந்திய பிரஜைகளுக்கு விருப்பமான மத வழிபாட்டு முறைகளை சுதந்திரமாக பின்பற்ற வழி செய்யும், அரசியல் சட்டப்பிரிவு 25ன் படி தேர்தல் ஆணையத்தின் நடவடிக்கை தவறானது.  எனவே முஸ்லிம் பெண்களுக்கு விதிவிலக்கு அளிக்கவேண்டும். முஸ்லிம் பெண் வாக்காளர்களை முகத்தை மூடியபடி புகைப்படம் எடுக்கவேண்டும் அல்லது ஹிஜாப் இல்லாமல் எடுக்கும் படத்தை பொது பார்வைக்கு வைக்கக் கூடாது’ என குறிப்பிட்டிருந்தார்.

இம்மனு நேற்று உச்சநீதிமன்றத்தில் தலைமை நீதிபதி கே.ஜி.பாலகிருஷ்ணன் மற்றும் நீதிபதி தீபக்வர்மா ஆகியார் கொண்ட பெஞ்ச் முன்பு விசாரணைக்கு வந்தது.  மனுதாரரின் வாதத்தை கேட்ட நீதிபதிகள், ‘வாக்காளர் அட்டைக்கே இவ்வாறு வருத்தப்படுகிறீர்களே, தேர்தலில் போட்டியிட்டால் என்னவாகும் என புரியவில்லை?   தேர்தலில் தொகுதி முழுக்க வேட்பாளர்களின் புகைப்படத்தை வீதி வீதியாக ஒட்டுவார்கள். அப்போது என்ன செய்வீர்கள்?  வாக்காளர் பட்டியலிலோ, அடையாள அட்டையிலோ தங்கள் புகைப்படம் இருப்பது மத சம்பிரதாயத்தை மீறயது என அந்த பெண்கள் கருதினால், ஓட்டு போடலாமா வேண்டாமா என்பது குறித்து அவர்களே முடிவு செய்து கொள்ளலாம்.  அந்தளவுக்கு அவர்கள் மத உணர்வோடு இருக்கிற பட்சத்தில், ஓட்டு போட வேண்டாம்’ என நீதிபதிகள் தங்களது தீர்ப்பில் குறிப்பிட்டனர்.

முன்னதாக மனுதாரருக்கு எதிராக தமிழக தேர்தல் ஆணையத்தின் சார்பில் ஆஜரான பாலாஜி ஸ்ரீநிவாசன், ‘மனுதாரர் அடிப்படையையே குழப்பப் பார்க்கிறார். புதுச்சேரி, கேரளா, கர்நாடகா, ஆந்திரா, ஒரிசா என எல்லா மாநிலத்திலும் முஸ்லிம்கள் இருக்கிறார்கள். அனைத்து மாநிலத்திலும் இதேபோலத் தான் வாக்காளர் பட்டியல் வெளியிடப்படும்.  ஆனால் எங்கேயும் இதுபோன்ற ஒரு பிரச்னையை யாரும் எழுப்பவில்லை. முஸ்லிம் பெண்கள் பாஸ்போர்ட் எடுக்கும் போது புகைப்படம் எடுப்பது மத உணர்வை புண்படுத்துவதாக இல்லையா’ என வாதிட்டார்.  ஏற்கனவே 2006ம் ஆண்டில் அஜ்மல்கான் இதே விவகாரத்துடன் தாக்கல் செய்த மனுவை சென்னை உயர்நீதிமன்றம் தள்ளுபடி செய்தது குறிப்பிடத்தக்கது.

புதுடெல்லி, ஜன. 23_2010- பர்தா அணிந்து புகை/ஒளிப்படம் எடுக்கும் பெண்களுக்கு வாக்காளர் அட்டை வழங்க முடியாது என்று உச்ச நீதிமன்றம் தெரிவித்துள்ளது.

இசுலாமிய மதத்தில் தீவிர நம்பிக்கை கொண்ட பெண்கள் தங்கள் முகத்தை வெளியில் காட்டக் கூடாது என்பதற்காக பர்தா அணிகின்றனர். இதேபோல் வாக்காளர் அட்டைக்கு ஒளிப்படம் எடுக்கும் போதும் தங்கள் பர்தாவினை அகற்ற முடியாது என்றும், இது மத உணர்வு சம்பந்தப்பட்ட ஒன்று என்பதால் இதற்கு அனுமதி அளிக்க வேண்டும் என்றும் உச்ச நீதிமன்றத்தில் அஜாம் கான் என்பவர் மனுத்தாக்கல் செய்திருந்தார். இந்த மனு உச்ச நீதிமன்ற தலைமை நீதிபதி கே.ஜி.பாலகிருஷ்ணன் மற்றும் நீதிபதி தீபக் வர்மா முன்னிலையில் நேற்று விசாரணைக்கு வந்தது. அப்போது இது குறித்து விசாரித்த நீதிபதிகள் கூறியதாவது:-

தங்கள் முகத்தை வெளி நபர்கள் யாரும் பார்த்து விடக் கூடாது என்ற மத நம்பிக்கையில் மிகுந்த பற்றுக் கொண்டிருந்தால் அவர்கள் வாக்-களிக்கவே தேவை இல்லை. வாக்களிக்கச் செல்லும் போது பர்தா அணிந்து செல்லக் கூடாது. அவ்வாறு பெண்கள் பர்தா அணிந்து சென்றால் அவர்களை அடையாளம் காண்பது வாக்குச் சாவடியில் உள்ள அதிகாரிளுக்கு மிகுந்த சிரமத்தை ஏற்படுத்தும். வாக்காளர்களை அடை-யாளம் காண்பதற்காகத்தான் ஒளிப்படத்துடன் கூடிய வாக்காளர் அட்டை கொண்டு வரப்பட்டுள்ளது. ஆனால், இப்படி பர்தா அணிந்து வந்தால் அவர்களை எப்படி அடையாளம் காணமுடியும்? தேர்தலில் போட்டியிடும் உரிமை என்பது வாக்களிக்கும் உரிமையின் ஒரு நீட்டிப்பே. தன்னு-டைய முகத்தை ஒளிப்படத்தில் காட்டாம-லேயே தேர்தலில் போட்டியிட முடியும் என்று யாரும் கூறமுடியுமா? பர்தா அணிந்து எடுக்கப்பட்ட ஒளிப்படத்துடன் ஒருவர் தேர்தலில் போட்டியிட முடியுமா? என்று நீதிபதிகள் விசாரணையின் போது தெரிவித்தனர். இம்மனு மீதான இறுதித் தீர்ப்பு மற்-றொரு நாளுக்கு தள்ளி வைக்கப்பட்டுள்ளது.

File photo of Muslim women flashing their their voter ID cards before casting votes for the 14th Lok Sabha Election in Kolkata. Photo: Sushanta Patronobish

File photo of Muslim women flashing their their voter ID cards before casting votes for the 14th Lok Sabha Election in Kolkata. Photo: Sushanta Patronobish {Photo courtesy: The Hindu}

பல முஸ்லிம் அமைப்புகள் இதற்கு ஆதரவு தெரிவித்துள்ளன. “சுப்ரீம் கோர்டுடைய திர்ப்பிற்கு நான் முழுவதுமாக திருப்தியடைந்துள்ளேன். ஹஜ் செல்லும்போது பாஸ்போர்ட்டுகளில் ப்டம் இருப்பதை எதிர்க்காமல் இருக்கும்போது, இதை ஏன் எதிர்க்கவேண்டும். இதை ஒரு உணர்ச்சிப்பூர்வமன பிரச்சினையாக்கக்கூடாது“,  அகில இந்திய முஸ்லிம் தனியார் சட்ட ஆணையத்தின் அங்கத்தினர் மற்றும் தில்லியின் சிறுபான்மையினர் கமிஷனின் தலைவருமான கமல் ஃப்ரூக்கி கூறியுள்ளார்.

வாக்காளர் அட்டைக்கு ஒளிப்படம் எடுக்-கும்போது பெண்கள் பர்தா அணியக் கூடாது என்று தேர்தல் ஆணை-யம் வலியுறுத்துவதில் எவ்விதத் தவறும் இல்லை என்று சென்னை உயர் நீதிமன்றம் 2006ஆம் ஆண்டு தீர்ப்பளித்திருந்தது. ஆனால் மத சம்பிரதாயங்களை நிலை நிறுத்த வேண்டும் என்பதற்காக உச்ச நீதிமன்றத்தில் மீண்டும் இதுதொடர்பாக மனுத் தாக்கல் செய்யப்பட்டுள்ளது. இதேபோல் பிரான்சு நாட்டில் பர்தா அணிவது தடை செய்யப்பட்டு உள்ளது. பொது இடத்தில் பர்தா அணிந்தால் அபராதம் விதிக்கப்படும் என்றும் அந்நாட்டு அரசு எச்சரித்துள்ளது. இதற்கு உலக அளவில் இசுலாமிய மதத் தலைவர்கள் எதிர்ப்புத் தெரிவித்து வருகின்றனர். இந்-நிலையில் உச்ச நீதிமன்றம் தெரிவித்துள்ள கருத்து பெரும் பரபரப்பை ஏற்படுத்தி உள்ளது.